2 مشترك

@^يقولون الغريب ان طالت الغربة تراه يعود^@

ذّليتَنيِـﮯ بحْبگْ ≈: عضو رائع; آلمشاركـآت: : 1264
آلـنقـآط : 27501
الدوله : القصيم - بريده
هواياتي : الكوره

مساهمة رقم 1

@^يقولون الغريب ان طالت الغربة تراه يعود^@

من طرف ذّليتَنيِـﮯ بحْبگْ ≈ الأربعاء سبتمبر 01, 2010 5:40 am

يقولون الغريب ان طالت الغربة تراه يعود
وانالي غربة طالت ذهاب ومالهاعودة
رحلت بخافق يحمل شقاي وخاطرملهود
تمرجح به عصا هم على الاكتاف ممدودة
زهابي قربة عطشى ولابه بالطريق اعدود
ويجبرني ضماي اطرد سراب تكذب اعدوده
تحت شمس الهجير امشي بحيل من التعب مهدود
ورجلين من الرمضا تذوب وحيل مهدودة
ابي عن لاهب الصحرا ظلال من الشجر ممدود
ولكن الطلاح الي تجيب الظل مجرودة
قعدت اسحب خطاوي رحلتي في مهمه مجرود
عناوين الحياة بطرقته ماهيب موجودة
قفارمابها غيرالمتاهة والطوال السود
جبال كل ماجاها الكلام تعيد مردودة
يتيه ابهالظلام ومابها للعابرين قعود
بها ليل توشح بالسواد وغابت شهوده
تطيح بهالهقاوي كل ماليل الظلام يزود
على رمل الوعود الي قليل تصدق وعوده
وانافي وسطها ضامي ولاعن حالتي منشود
مغير اقضب تلابيب الثرى واقبل اخدوده
وشديت العزوم ابغى دليل من الأثر موجود
اثاري كل ماهب الهبوب تضيع مفقودة
واعانق بالخلا همة بحبل من الصبر مشدود
واخايل بالسما برق كريم ترزم رعوده
عساه يبلل ارياق الجفاف وترتويه كبود
وتخضر القلوب الي بزين الحال موعودة
بعد مليتها رحلة عذاب مابها مردود
وقفت احزم حقايب همة بالله مشدودة
مدام ان الأمل باقي بلطف الواحد المعبود
تبي تفرج على عبد وثق بوجود معبوده